ग्रामीण क्षेत्रका व्यक्तिमा लुकेर रहेको क्षयरोग पत्ता लगाउन पहिलो पटक राष्ट्रिय क्षयरोग प्रिभ्यालेन्स सर्वेक्षण

ग्रामीण क्षेत्रका व्यक्तिमा लुकेर रहेको क्षयरोग पत्ता लगाउन तनहुँमा पहिलो पटक गरिएको राष्ट्रिय क्षयरोग प्रिभ्यालेन्स सर्वेक्षण सकिएको छ । हालै सकिएको सर्वेक्षणमा ५५० जनाको खकार सङ्कलन गरिएको राष्ट्रिय क्षयरोग केन्द्रले जनाएको छ । राष्ट्रिय क्षयरोग केन्द्र भक्तपुरका डा. समिता अधिकारी लगायत ३ जना डाक्टरहरु तथा २२ स्वास्थ्यकर्मीको टोलीले सर्वेक्षण गरेका हुन् । म्याग्दे गाउँपालिका ४ छाङ्गमा पहिलो पटक अत्याधुनिक एक्सरे मेसिनको प्रयोगबाट सर्वेक्षण गरिएको प्रदेश नं.४ का संयोजक गोविन्दराम मरासिनीले जानकारी दिनु भयो  । मरासिनीले देशभरको ५५ जिल्लामा हुने प्रिभ्यालेन्स सर्वेक्षणमा ९९ कलस्टर अन्तर्गत साविक छाङ्ग गाविस ३ मा सर्वेक्षण गरिएको जानकारी दिनु भयो । मरासिनीका अनुससार सर्वेक्षणका लागि १५ वर्ष भन्दा माथिका सेवाग्राहीहरुको स्वास्थ्य परीक्षण गरी क्षयरोग पत्ता लगाईने भएको छ  । क्षयरोग पत्ता लगाउने र त्यसको न्यूनीकरण र नियन्त्रणका लागि सेवाग्राहीलाई प्रोत्साहित गर्ने केन्द्रले जनाएको छ । केन्द्रका अनुसार स्क्रिनिङ्ग क्याम्प गरेर क्षयरोगको स्याम्पलका लागि खकार सङ्कलन गरिएको छ । थर्पुमा गरिएको पहिलो सर्वेक्षणबाट विभिन्न व्यक्तिहरुमा भएको क्षयरोग पत्ता लगाइने र उनीहरुलाई उपचारको दायरामा  ४ करोड रुपैयाँमा बृहत् एक्सरे मेसिनबाट पहिलो पटक तनहुँमा बृहत् सर्वेक्षण गरिएको हो । सर्वेक्षणका लागि विभिन्न बैठक बसी सामाजिक परिचालक र स्वास्थ्य स्वयम् सेवक खटाएर क्षयरोग सम्बन्धी बिरामीको जनगणना समेत गरिएको छ । सङ्कलन गरिएको खकार २४ घण्टाभित्र राष्ट्रिय क्षयरोग केन्द्र कालीमाटी भक्तपुर पठाइ सकिएको केन्द्रले जनाएको छ । जिल्ला स्वास्थ्य कार्यालयका अनुसार जिल्लाम ३२८ जना क्षयरोगका बिरामी रहेका छन् । कार्यालयको तथ्याङ्कमा सिधै सम्पर्कमा आउने क्षयरोगका बिरामी कम देखिएपनि केही व्यक्तिहरु स्वास्थ्यको पहुँचमा आउन नचाहेको र  त्यस्ता लुकेका क्षयरोग यो सर्वेक्षणले उनीहरुलाई स्वास्थ्यको पहुँचमा पु¥याउन टेवा पुग्ने जनस्वास्थ्य निरीक्षक ऐश्वर्यचन्द्र भट्टराईले जानकारी दिनु भयो   । ३ दिनसम्म गरिएको यस सर्वेक्षणबाट क्षयरोगको स्याम्पलका लागि सङ्कलन गरिएको खकारको रिपोर्ट १ महिनापछि आउने भट्टराई बताउनु हुन्छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker