रासायनिक आक्रमण भएको क्षेत्रमा पुगे अनुसन्धाकर्ता

एजेन्सी, ९ बैशाख ।

सिरियाको राजधानी दमास्कस नजिक पूर्वी गुटाको डुमामा दुई हप्ताअघि रसायन आक्रमण भएको भनिएको क्षेत्रमा अन्तर्राष्ट्रिय अनुगमन कर्ता पुगेका छन् ।

रासायनिक हतियारका अन्तर्राष्ट्रिय विशेषज्ञ आक्रमण भएको क्षेत्रको अनुगमनका लागि पुगेका हुन् । उनीहरुले शनिबार आक्रमण भएको भनिएको क्षेत्रको अवलोकन गरेका छन् ।

अर्गनाइजेशन फर द प्रोहिबिसन अफ केमिकल विपन्स (ओपिसिडब्ल्यु) का विशेषज्ञले डुमा पुगेर त्यहाँको नमुना तथा प्रमाण संकलन गरेका हुन् ।

गएको पाँच वर्षदेखि ब्रिदोहीको कब्जामा रहेको डुमामा अहिले सिरियाली तथा रुसी सेनाको नियन्त्रण छ ।

डुमामा रुसको सहयोगमा सिरियाली सेनाले चलाएको कारवाही अभियानको क्रममा रासायनिक आक्रमण भएको आरोप छ । तर सिरिया तथा रुसले आफूहरुले कुनै किसिमको रसायन आक्रमण नगरेको बताउने गरेका छन् ।

रसायन आक्रमणको जवाफ स्वरुप अमेरिकाको नेतृत्वमा फ्रान्स तथा बेलायतले गएको हप्ता सिरियामा हवाई आक्रमण गरेका थिए ।

उनीहरुले सिरियाली सेनाका रासायनिक हतियार उत्पादन केन्द्र, भण्डारण केन्द्र तथा बेसक्याम्पलाई लक्षित गरी आक्रमण गरेका थिए । अप्रिल ७ मा भएको निभएको मिसाइल आक्रमणमा ४० जना भन्दा बढीको ज्यान गएको थियो ।

ओपिसिडब्ल्युको टोली सुरक्षात्मक सामग्रीसहित डुमा गएको थियो । तस्बिर : एएफपी

आक्रमण भएको भनिएको दुई हप्तापछि अनुगमनकर्ताको टोली डुमा पुग्न पाएको हो । ओपिसिडब्ल्युले एक विज्ञप्ती निकालेर आफ्नो टिमले आक्रमण भएको क्षेत्रको निरीक्षण गरेको र संकलन गरिएका नमुना हेगमा रहेको आफ्नो प्रयोगशालमा परीक्षणका लागि पठाइएको उल्लेख गरेको छ ।

आक्रमण भएको स्थानबाट अरु केही प्रमाणहरु पनि संकलन गरिएको ओपिसिडब्ल्युले उल्लेख गरेको छ । अनुगमन टोली गएको हप्तादेखि डुमा जाने अनुमति नपाएर दमास्कसमा प्रतिक्षमा थिए । गएको बुधबार नै भ्रमण हुने तयारी थियो तर अवस्था घतरामुक्त नरहेको भन्दै पछि सरेको थियो ।

रासायनिक आक्रमण भएको भनिएको क्षेत्रको निरीक्षण गर्दै ओपिसिडब्ल्युको टोली । तस्बिर : इपिए

अमेरिकासहितका पश्चिमा देशले रासायनिक आक्रमण भएको क्षेत्रको प्रमाण मेटाउने प्रयास भएको आरोप लगाएका छन् । तर रुस तथा सिरियाले आफूहरुले त्यस्तो किसिमको कुनै गतिविधि नगरेको बताउने गरेका छन् ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker