एप्पलले प्रयोग गर्छ १०० प्रतिशत क्लिन इनर्जी

काठमाडौँ, २७ चैत । 

अमेरिकी प्रविधि कम्पनी एप्पलले आफ्ना सबै सेवाका लागि शतप्रतिशत क्लिन इनर्जी अर्थात नविकरणीय उर्जाको प्रयोग गर्न थालेको छ ।

आइफोन तथा म्याकबुकसहितका सामान उत्पादन गर्दै आएको कम्पनीले सोमबार विश्वभर रहेका आफ्ना स्टोर, कार्यालय, उद्योग तथा डाटा सेन्टरमा १०० प्रतिशत नविकरणीय उर्जाको प्रयोग भएको घोषणा गरेको हो ।

एप्पलले आफ्ना सबै उत्पादन तथा सेवाका लागि सौर्य उर्जा, वायु उर्जा, हाइड्रोजन र अरु क्लिन इनर्जीका स्रोत प्रयोग गर्न थालेको हो । ४३ देशमा रहेका एप्पलका सेवा प्रदायकहरु शतप्रतिशत क्लिन इनर्जीमा प्रवेश गरेका हुन् ।

यस्तै विश्वभर रहेका सप्लायर्सहरुले पनि क्लिन इनर्जीकै प्रयोग गर्ने अभियानलाई तीव्रता दिएका छन् । एप्पललाई आवश्यक सामग्री सप्लाइ गर्दै आएका २३ सप्लायर्सले क्लिन इनर्जी प्रयोग गर्ने प्रतिबद्धता जनाइसकेका छन् ।

एप्पलले सन् २०१५ देखि नै आफ्ना सबै कार्यालय तथा स्टोरमा क्लिन इनर्जी मात्रै प्रयोग गर्ने अभियान सुरु गरेको थियो । त्यसबेला एप्पलले ९३ प्रतिशतसम्म क्लिन इनर्जी प्रयोग गर्ने गरेको थियो । झण्डै तीन वर्षको प्रयासमा शतप्रतिशत क्लिन इनर्जी प्रयोग गर्ने कम्पनी बन्न एप्पल सफल भएको हो ।

एप्पलले यसका लागि उर्जाका मुख्य परियोजना सञ्चालन गरेको छ । सौर्य, वायु, बायोग्याससहितका २५ वटा उर्जा परियोजनाबाट कुल ६२६ मेगावाट क्लिन इनर्जी उत्पादन भएको एप्पलले उल्लेख गरेको छ ।

अहिले ११ देशमा थप परियोजना चलिरहेको र त्यसबाट १.४ गिगावाट क्लिन इनर्जी उत्पादन हुने एप्पलले उल्लेख गरेको छ । एप्पलले सन् २०११ देखि सुरु गरेको उर्जा परियोजनाका कारण आफ्नो तर्फबाट हुने ग्रिनहाउस ग्यासको उत्सर्जनमा ५४ प्रतिशतले कमी आएको जनाएको छ ।

एप्पलले सबैभन्दा धेरै चीनका ६ प्रान्तमा रहेका आफ्ना स्टोर तथा कार्यालय र उद्योगमा लगाएको सौर्य तथा वायु उर्जा परियोजनाबाट ४८५ मेगावाट क्लिन इनर्जी उत्पादन भएको छ ।

यस्तै एप्पलको मुख्यालय क्यालिफोर्नियामा जोडिएको स्वलार प्यानलबाट १७ मेगावाट बिजुली उत्पादन भएको छ । यसैगरी अरु बिजुलीको उत्पादन बायोग्यासबाट उत्पादन भएको छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker