३ दिने भारत भ्रमण सकेर प्रधानमन्त्री ओली आज स्वदेश फर्कँदै

काठमाडौं, २५ चैत ।

प्रधानमन्त्री केपी शर्मा ओली भारतको भ्रमण सकेर आज स्वदेश फर्कँदै छन्। शुक्रबार ३ दिने भारत भ्रमणमा गएका प्रधानमन्त्री ओली आज राती स्वदेश फर्कने कार्यतालिका छ ।

५४ सदस्यीय टोलीको नेतृत्व गर्दै भारत गएका हुन् । प्रधानमन्त्री ओली राति ८ बजे काठमाडौं आइपुग्ने कार्यक्रम रहेको ओलीका भ्रमण दलका जानकारी दिए। उनका अनुसार ओली नेतृत्वको भ्रमण टोली नेपाल वायु सेवाको विमानबाट स्वदेश आउने तयारी छ ।

भारतीय समकक्षी नरेन्द्र मोदीको निम्तोमा गत शुक्रबार भारत भ्रमणमा गएका प्रधानमन्त्री ओलीले राजनीतिक गरेका छन्।

विविध विषयहरुमा छलफल  गरि ठूला ठूला सम्झौता गरेर ओली नेपाल फर्कदैः

तीनवटा बेग्लाबेग्लै सम्झौता

प्रधानमन्त्री ओलीको भारत भ्रमणका क्रममा मुख्यतः तीनवटा बेग्लाबेग्लै सम्झौताहरु भएका छन् । ती सम्झौताहरुमा एउटा हो- जलमार्गबाट सामान ओसार-पसार गर्ने सम्झौता । यही सम्झौतालाई लक्षित गर्दै भारतीय प्रधानमन्त्री मोदीले सगरमाथाको देश सागरसँग जोडिएको बताएका छन् ।

समुद्रमा नेपाली ध्वजाबाहक पानीजहाज चलाउने बताउँदै आएका प्रधानमन्त्री ओलीको सपनालाई साकार पार्नका लागि भारत सैद्धान्तिकरुपमा सहमत देखिएको छ । तर, यससम्बन्धी दुई बुँदे छोटो सम्झौतामा नेपाली ध्वाजाबाहक पानीजहाजबारे विस्तृतमा चर्चा गरिएको छैन ।

महाकाली र अरुण तेस्रोदेखि उच्च कोशीबाँधसम्म

प्रधानमन्त्री केपी ओलीको भारत भ्रमणका बेला महाकालीको पञ्चेश्वर परियोजना, अरुण -३ र उच्च कोशी बाँधका विषयमा कुनै बेग्लै सम्झौता भएन । ओली र मोदीको भेटमा जलपरियोजनाबारे कुनै पनि लिखित सम्झौता भएन । यसबारे संयुक्त वक्तव्यमा पनि केही उल्लेख गरिएन ।

तर, भारतीय प्रधानमन्त्री नरेन्द्र मोदीले आफ्नो मौखिक मन्तव्यमा यसो भने- ‘प्रधानमन्त्री ओलीजीको साथमा मिलेर मैले जल संशाधन र उर्जा सम्बन्धी प्रोजेक्टहरुको पनि रिभ्यु गरें । हामी दुबै अरुण-३, पञ्चेश्वर र सप्तकोशी सुनकोशी जस्ता परियोजनाहरुको काममा गति बढाउनेबारे सहमत छौं ।’

भारतीय प्रधानमन्त्रीको यो भनाइले अरुण तेस्रोको शिलान्यास नगरिए पनि यसबारे ओलीसँग छलफल भएको देखिन्छ । त्यसैगरी पञ्चेश्वरबारे पनि कुरा भएको भनिएता पनि यसलाई कार्यान्वयउन गर्नेबारे भारतीय प्रतिवद्धता संयुक्त वक्तव्यमा आएको देखिँदैन । त्यस्तै मोदीले सप्तकोशी सुनकोशी परियोजनाबारे कुरा भएको भनेका छन्, कोशी उच्चबाँध नै हो कि हैन भन्ने यसबारे खुलाइएको छ ।

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker